السَّلَامُ عَلَيْكُمْ وَرَحْمَةُ اللهِ وَبَرَكَاتُهُ
الْحَمْدُ لِلَّهِ الْحَمْدُ لِلَّهِ الَّذِي كَتَبَ عَلَى عِبَادِهِ فِي نَهَارِ رَمَضَانَ الصِّيَامَ * وَسَنَّ رَسُولُهُ لَهُمْ فِي لَيَالِهِ القِيَامَ * أَحْمَدُهُ سُبْحَانَهُ وَتَعَالَى وَأَشْكُرُهُ عَلَى نِعْمَةِ الْأَيْمَانِ وَالْإِسْلَامِ * أَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيْكَ لَهُ شَهَادَةً تَكُونُ لَنَا ذُخْرًا عِنْدَ الْمَلِكِ العَلَامِ* وَأَشْهَدُ أَنْ مُحَمَّدًا عَبْدُهُ وَرَسُولُهُ سَيِّدُ الأَنَامِ * اللَّهُمَّ صَلِّ وَسَلَّمْ وَبَارِكْ عَلَى سَيِّدِنَا مُحَمَّدٍ صَلَاةٌ تَسْفِينَا بِهَا مِنَ الدَّاءِ وَالْأَسْقَامِ * وَعَلَى آلِهِ وَأَصْحَابِهِ وَمَنْ تَبِعَهُمْ بِإِحْسَانِ إِلَى يَوْمِ الرِّحَامِ * أَمَّا بَعْدُ فَيَا عِبَادَ اللَّهِ أَوْصِيْكُمْ وَإِيَّايَ بِتَقْوَى اللَّهِ الْمَلِكِ القُدُّوْسِ السَّلَامِ * تَدْخُلُوا جَنَّةَ رَبِّكُمْ بِالسَّلَامِ * فَقَدْ قَالَ تَعَالَى فِي كِتَابِهِ الْكَرِيمِ أَعُوذُ بِاللَّهِ مِنَ الشَّيْطَانِ الرَّحِيمِ، بِسْمِ اللهِ الرَّحْمَنِ الرَّحِيمِ : شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ*
Para sederek Kaum Muslimin ingkang minulya,
Baca Juga:
Mangga tansah samiya netepi taqwa lan ta’at dateng ngarsa Dalem Allah kanti taqwa ingkang sak estu, kanti tansah ikhtiyar lan mbudi daya nindakaken sedaya dawuh lan printahipun, saha nilar lan nebihi sedaya awisanipun, Lan ugi ajrih menawi ngantos nilar kwajiban saha nerjang awisan lan wewaleripun Allah. Sarana tansah angrungkebi Iman lan Islam ing saklebetipun gesang punika, ngantos pejah netepana Iman lan Islam, sahingga pungkasan kita pinaringan khusnul khatimah. Amin
Para sederek Kaum Muslimin ingkang minulya,
Ing wulan punika kita sedaya Ummat Islam nembe nedeng nedengipun nindak aken jejibahan kwajiban shiyam Ramadlan, sinaosa awrat kados menapa jer kerana kwajiban kita nyendikani dawuh timbalan nDalem Allah Ta’ala. kados kadawuhaken ing kitab suci Al-Qur’an :
Baca Juga:
يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ
“Hai wong wong kang podo iman, wus diwajibaké tumrap sira kabeh pasa, kaya olehe diwajibake pasa marang wong wong sak durungira kabeh, supaya sira kabeh pada taqwa” (QS.Al Baqarah: 183).
Dawuh menika perwaca bilih hikmah ingkang paling utami shiyam punika supados kita langkung taqwa dumateng ngarsa dalem Allah Swt. Pramila kita ingkang sampun biasa nindakaken shiyam saben wulan Ramadlon punika ampun ngantos shiyam kita sekedar ngampet dahar lan ngunjuk ing wedal rinten kemawon, ananging kedah saget nuwuh aken hikmah inggih tambahipun taqwa kita dateng Allah Swt. Mekaten ugi hikmah hikmah sanes saking anggen kita nindakaken shiyam punika.
Baca Juga:
Para sederek Kaum Muslimin ingkang minulya,
Ibadah shiyam mila mboten namung ngampet ngelak lan luwe, lan ugi mboten sekedar mindah jadwal dahar lan ngunjuk, jalaran mila kedah kanti adedasar pemahaman lan kesadaran sahingga saget njagi dateng samukawis ingkang saget ngrisakaken dateng shiyam punika. Kanjeng Nabi sampun ndawuhaken:
مَنْ صَامَ رَمَضَانَ وَعَرَفَ حُدُودَهُ وَتَحَفَظَ مَا يَنْبَغِي لَهُ أَنْ يتحفظ كُفَرَ مَا قَبْلَهُ رواه ابن حسان
“Sing sapa wonge pasa Ramadhan lan ngerteni hukum hukume pasa, uga ngreksa marang apa kang kudu direksa, mangka bakal di apura kabeh dosa kang sak durunge”. (HR.Ibnu Hibban).
Miderek dawuh punika tiyang ingkang shiyam punika kedah netepi kalih perkawis:
- Mangertosi kawruh lan ilmi, pemahaman dateng tata cara syarat rukunipun.
Mila kita kedah mangertos kados pundi menggah hukum hukumipun, mboten cekap asal mboten dabar ngunjuk mawon, nanging ugi kedah kanti niyat dalunipun Sahingga ing bab menika kita kedah ngaos kangge nggayuh ilmi ingkang minangka syarat shahipun ngamal. Jalarae pancen sah ipun ngamal punika kedah kanti dasar ilmu Kados dawuhipun Ibnu Roslan :
وَكُلُّ مَنْ بِغَيْرِ عِلْمٍ يَعْمَلُ أَعْمَالُهُ مَرْدُودَةً لَا تُقْبَلُ
“Kabeh wong kang tanpa ngelmu kók ngamalke, amale ditolak ora ditampa dibalekke.”
Pramila eman sanget manawi kita sampun rekaos ngampet ngelak lan luwe, nanging wusanane mboten tinampi, jalaran anggenipun nindakaken tanpa ngelmi.
- Ngreksa lan njaga perkara kang kudu dijaga.
Ingkang ugi sanget wigatos tumrap kita, kedah mangertosi lan njagi perkawis perkawis ingkang saget ngrisakaken, utawi nacataken shiyam kita, Mila kedah dipun atos atos sak estu katah perkawis menawi mboten kareksa bade damel risakipun ibadah shiyam kita. Amergi mila kasunyatan mboten sekedik tiyang nindakaken shiyam ananging mboten saget njagi perkawis ingkang kedah dipun jagi tumrap tiyang ingkang nembe nindakaken shiyam sahengga tiyang wau kanti shiyamipun namung pikantuk ngelak lan luwe, kados dawuhipun Kanjeng Nabi :
“كَمْ مِنْ صَائِمٍ لَيْسَ لَهُ مِنْ صِيَامِهِ إِلَّا الْحُوْعُ وَالْعَطْشِ”
” Pirang pirang wong kang pasa, kang saka pasane ora oleh apa apa kejaba mung ngelak lan luwe”.
Para sederek Kaum Muslimin ingkang minulya,
Mila shiyam punika ngrupekaken didikan jasmani ruhani lan budi pakerti. Kanti shiyam kita kedah nglatih diri sabar lan nahan diri kangge nilaraken samukawis kaenakan ingkang katah mengku doso, ingkang dados kacenderungan saha panyengkuyung hawa nafsu. Pramila shiyam kita ampun ngantos namung nahan lisan meruka saking perkawis ingkang lumebet, nanging kasunyatan ingkang langkung awrat mila njagi lisan saking perkawis ingkang medal saking lisan, inggih wijiling pangandikan ingkang kaprahipun gampil dumawah dateng perkawis ingkang nerak lan nerjang dateng pranatan syari’at agami.
Para sederek Kaum Muslimin ingkang minulya,
Gandeng kita shiyam menika sampun biasa saben wulan Ramadhan kita tindakaken, mila mangga kita saeaken kwalitas shiyam kita supados langkung mbeta hikmah lan faedah ibadah kita punika, mboten namung sekedar pemenuhan kwajiban nanging sakestu bade ngangkat derajat kamulyan kita minangka tiyang ingkang taqwa menggahipun Allah Ta’ala. Wusananipun nampi kanugerahan lan rahmat saking ngarsanipun Allah Ta’ala, wiwit gesang ing ngalam dunya punika ngantos mbenjang dumugining akhirat. Amin.
بَارَكَ اللهُ لِي وَلَكُمْ فِي الْقُرْآنِ الْكَرِيمِ * وَنَفَعَنِي وَإِيَّاكُمْ بالآيَاتِ وَالذِّكْرِ الْحَكِيمِ * إِنَّهُ هُوَ التَّوَّابُ الرَّحِيمُ * وَقَدْ قَالَ تَعَالَى فِي كِتَابِهِ الكَرِيمِ أَعُوْذُ بِاللَّهِ مِنَ الشَّيْطَانِ الرَّحِيمِ، بِسْمِ اللهِ الرَّحْمَنِ الرَّحِيمِ : شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِّنَ الْهُدَى وَالْفُرْقَانِ * وَقُلْ رَبِّ اغْفِرْ وَارْحَمْ وَأَنْتَ خَيْرُ الرَّاحِمِينَ…