Agunge Wengi 1000 Wulan

السَّلَامُ عَلَيْكُمْ وَرَحْمَةُ اللَّهِ وَبَرَكَاتُهُ

الْحَمْدُ لِلَّهِ الْحَمْدُ لِلَّهِ الْكَرِيمِ الْوَهَّابِ* الَّذِي أَنْزَلَ عَلَى عَبْدِهِ الْكِتَابَ * أَشْهَدُ أَنْ لَا إِلَهَ إِلَّا أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ الْمُلْكَ التَّوَّابُ * وَأَشْهَدُ أَنَّ مُحَمَّدًا عَبْدُهُ وَرَسُولُهُ الْقَانَتْ الْأَوَّابُ * اللَّهُمَّ صَلِّ وَسَلَّمْ وَبَارِكْ عَلَى سَيِّدِنَا مُحَمَّدٍ صَلَاةٌ تُنْحِينَا بِهَا مِنْ أَنْوَاعِ الْعَذَابِ * وَعَلَى آلِهِ وَأَصْحَابِهِ الْأَنْحَابِ وَمَنْ تَبِعَهُمْ بِإِحْسَانِ إِلَى يَوْمِ الْحِسَابِ* أَمَّا بَعْدُ فَيَا عِبَادَ اللَّهِ أُوْصِيْكُمْ وَإِيَّايَ بِتَقْوَى اللَّهِ * تَدْخُلُوا جَنَّةَ رَبِّكُمْ بِالرَّحْمَةِ وَالثَّوَابِ فَقَدْ قَالَ تَعَالَى فِي كِتَابِهِ الكَرِيمِ* أَعُوْذُ بِاللَّهِ مِنَ الشَّيْطَانِ الرَّحِيمِ، بِسْمِ اللَّهِ الرَّحْمَنِ الرَّحِيمِ إِنَّا أَنزَلْنَاهُ فِي لَيْلَةِ الْقَدْرِ * وَمَا أَدْرَاكَ مَا لَيْلَةُ الْقَدْرِ لَيْلَةُ الْقَدْرِ خَيْرٌ مِنْ أَلْفِ شَهْرٍ *

Para sederek Kaum Muslimin ingkang mińulya,

Mangga kita samiya tansah netepi taqwa dateng Allah, kanti taqwa ingkang sakestu, kanti tansah nindakaken sedaya perintah perintahipun, saha nilar lan nebihi sedaya awisanipun, wonten ing sak dengah swasana lan kawontenan, kapan mawon, lan wonten ing pundi kemawon, tansah netepana taqwa lan tha’at dateng Allah, supados kita tansah pikantuk rahmat lan kanugerahan, wiwit saking gesang ing alam dunya punika ngantos mbenjang dumugi ing akherat, Amiin. Allah sampun njanjekaken kanti dawuhipun:

الَّذِينَ آمَنُوا وَكَانُوا يَتَّقُونَ لَهُمُ الْبُشْرَى فِي الْحَيَاةِ الدُّنْيَا وَفِي الآخرة

“Sejatine wong wong kang pada iman lan pada taqwa marang Allah, tumerape wong wong mau oleh kebungahan urip ana ing dunya lan ing akhirate”. (QS. Yunus 63-64).

Para sederek Kaum Muslimin ingkang mińulya,

Wulan Ramadhan sampun meh purna, kantun pinten pinten dinten malih bade nilaraken kita, ing mangka kita rumaos dereng saget tumandang ngibadah ingkang sampurna, mila mangga ing sisa nipun dinten Ramadhan punika, kita tanjakaken ingkang sak estu kangge tumandang ngibadah ingkang sak sae saenipun, wonten ing akhiripun wulan Ramadhan estunipun Allah maringaken kanugerahan ingkang linangkung agung tumrap para kawulanipun ingkang sami tetep njungkung ngibadah, kanti sak warnine pangibadahan. Amergi kamulyanipun wulan Ramadhan ingkang kadunungan Lailatul Qadar. ingkang mulyanipun nglangkungi katimbang 1000 wulan. Umat Islam kados dene dipun tintingi, ngantos wusananipun sak perengan sampun kendel anggenipun tumandang ngibadah, ngraos kendo lan loyo, ing mangka wancinipun Allah ngesokaken rahmat ingkang ageng sanget, inggih wonten ing satunggaling dalu ingkang kawastanan Lailatul Qadar, dawuhipun Allah.

ليْلَةُ الْقَدْرِ خَيْرٌ مِنْ أَلْفِ شَهْر

“Lailatul Qadar iku luwih becik katimbang 1000 wulan” (S.Al Qadar :3).

Eman sanget menawi ngantos kita mboten manfaataken kesempatan menika kangge nemen nemenni ngibadah dateng ngarsanipun Allah, Kanjeng Nabi ugi sampun maringi tulada, bilih sampun dumugi akhiripun wulan Ramadhan Panjenenganipun cancut taliwanda nggegesang dalu adang adang Lailatul Qadar, kanti ngatah ngatahaken ngibadah, lan ugi nggugahi sedaya keluarganipun supados sami tumandang ngubadah. Kados hadits ingkang dipun riwayataken Siti ‘A’isyah RA.:

كَانَ صَلَّى اللَّهُ عَلَيْهِ وَسَلَّمَ إِذَا دَخَلَ الْعَشْرُ الْأَوَاخِرُ أَحْيَ اللَّيْلَ وَأَيْقَظَ أَهْلَهُ وَشَدَّ الْمِنْزَرَ (رواه الشيحان)

“Kanjeng Nabi Muhammad Sallallahu ‘alaihi wa Sallam punika nalika sampun manjing sedasa dinten ingkang akhir saking wulan Ramadhan, Panjenenganipun nggegesang dalu, lan nggugahi sedaya keluarganipun lan ugi nyancutaken nyamping/sarungipun” (HR. Bukhari dan Muslim).

Para sederek Kaum Muslimin ingkang mińulya,

Dene dunga ingkang utami dipun waos ing dalu dalu akhir Ramadhan, punika kados dawuhipun Rasulullah dateng Siti ‘A’isyah nalika panjenenganipun nyuwun pirsa Kanjeng Nabi kanti aturipun:

يَا رَسُولَ اللَّهُ لَوْ وَفَقْتُ لَيْلَةَ الْقَدْرِ فَمَا أَقُوْلُ ؟

“Ya Rasulullah, sak umpami kula manggih lailatul qadar, do’a punapa ingkang kedah kawula waos?”

Lajeng Rasulullah paring dawuh:

قُولِي : اللَّهُمَّ إِنَّكَ عَفُوٌّ كَرِيم تُحِبُّ الْعَفْوَ فَاعْفُ عَنِّي

“Sliramu macaha:

“Allahumma innaka ‘afuwwun karim tuhibbul afwa fa’fu ‘anni “

Artosipun: “Duh Gusti Allah sakestu Paduka punika Dzat ingkang Maha Paring pangapunten tur Maha Loman, Paduka tresna dateng pangapunten, pramila mugi ngapuntena dateng kawula”.

Para sederek Kaum Muslimin ingkang mińulya,

Imam Fahruddin Ar Razi ing kitab tafsir Mafatihul Ghaib ingkang kawentar kanti sebatan tafsir Al Kabir ngendika, nyariyosaken pengundangipun Malaikat Jibril:

إِنَّ اللَّهَ تَعَالَى يَنْظُرُ إِلَيْهِمْ بِالرَّحْمَةِ وَعَفَى عَنْهُمْ وَغَفَرَ لَهُمْ إِلَّا أَرْبَعَةَ نَفَرٍ مُؤْمِنُ الْخَمْرِ، وَعَاقُ الْوَالِدَيْنِ، وَقَطْعُ الرَّحْمِ، وَالْمُشَاخِنُ

Bilih yektosipun ing lailatul qadar punika Gusti Allah mirsanı dateng sedaya muslimin, kanti paring rahmat saha ampunan dateng dosa lepatipun tiyang tiyang mukmin kejawi sekawan golongan, inggih punika,

1. wong kang nduwe kesenengan ngombe arak, utawa minuman kang mendemi
2. wong kang wani marang wong tuwa lorone.
3. wong kang medot taline paseduluran.
4. wong kang ngenengke sedulur Islam, ora gelem ngajak utawa diajak guneman luwih telung ndina.

Mugi mugi kita kalebeta kawulanipun Allah ingkang pikantuk rahmat lan maghfirah ing lailatul qadar, pinaringan istiqamah ngantos paripurnanipun wulan Ramadhan. Lan maqbul sedaya ngamal ibadah kita ing ngarsanipun Allah Subhanahu wa Ta’ala.

بَارَكَ اللَّهُ لِي وَلَكُمْ فِي الْقُرْآنِ الْكَرِيمِ * وَتَفَعَنِي وَإِيَّاكُمْ بالآيَاتِ وَالذِّكْرِ الْحَكِيمِ إِنَّهُ هُوَ التَّوَّابُ الرَّحِيمُ * وَقَدْ قَالَ تَعَالَى فِي كِتَابِهِ الكَرِيمِ أَعُوْذُ بِاللَّهِ مِنَ الشَّيْطَانِ الرَّحِيمِ، بِسْمِ اللهِ الرَّحْمَنِ الرَّحِيمِ إِنْ أَنْزَلْنَاهُ فِي لَيْلَةٍ مُبَارَكَةٍ مُبَارَكَةٍ إِنَّا كُنَّا مُنْذِرِينَ وَقُلْ رَبِّ اغْفِرْ وَارْحَمْ وَأَنْتَ خَيْرُ الرَّاحِمِينَ )